نبدأ مع:
+++المقادير:
500غ طحين
70غ سنيدة
10غ ملح (ملعقة صغيرة)
20غ خميرة معجونة (تقريبا ملعقة كبيرة)
50غ زبذة لينة بحرارة المطبخ
240ملتر حليب او ماء بارد ممكن اقل ممكن أكثر حسب نوعية الدقيق.للتوراق 200غ زبدة
للحشو شوكولا
للدهن بيضة كاملة.
+++الطريقة:
نخلط الطحين وسنيدة والملح والخميرة والزبدة بحرارة المطبخ (فقط 50غ) ثم الماء او الحليب.
تدلك جيدا حتى تولي ملساء.
نعملو فيها علامة زائد ونخليوها ترتاح شوية لمدة نصف ساعة وندلكوها بالمدلك على شكل مستطيل ندخلوها للفريكو فورق السيلفيريزي لمدة خمس دقائق وبيدما وجدنا الزبدة.
نوجدو الزبدة اللي جبدنا من الثلاجة قبل قليل, باش تسهال علينا وتاخد الحجم اللي بغينا, نطرقوها بالمدلك, نجيبو ورق السيلفيريزي ونطويوه بالحجم اللي بغينا بيه الزبدة من كل الجوانب كما هو موضح في الصور, ونعملو الزبدة داخل الورق وندلكوها حتى تاخد الشكل المطلوب, ومتنساوش تاخدو نفس عبار عرض العجين ديال الزبدة.
نخرجو العجين من لفريزر ونعملو فوسطو الزبدة وندلكوها بالمدلك
غندلكوها فهاد الاتجاه نيشان, بحال الى راها قدامكم
نطويوها على 3 كما هو موضح, تعمدت منديرش التنية في الوسط باش متعواجش ليا العجينة وتحافط على شكل مستطيل.
غنحصلو على هاد الشكل
نطرقوها شوية بالمدلك وندخلوها للفريكو لمدة 5د.
بعد 5 د نجبدو العجينة وندلكوها تاني فالاتجاه الموضح في الصورة
ونطويوها على جوج هاد المرة ونضربوها قليلا بالمدلك والى لفريكو لمدة خمس دقائق وهاهي جاهزة للاستعمال
الطبقات
نطلقو العجين بعدما قسمناها على جوج, وحدة للبتيبان واخرى للكراواصون, ونحيدو الشيتة الى بان لينا الطحين.
نجبدوها ونقطعوها بالموس كما هو موضح, ونولويوها بيدينا بجوج وحنا ندفعو يدينا للجانبين
نخليوهم يخمرو وندهنوهم ببيضة وندخلوهم للفرن
ملاحظات:
متكتروش الطحين فمكان العمل, غير شوية فقط ومرة مرة.
فاش تبداي دلكي العجين, متعطيش جهدك فدلكة وحدة, لا بقاي تدي وتجيبي فالمدلك بخفة وبلا متبركي بزاف على العجين.
نوعية الزبدة كتلعب دور كبير في نجاح الوصفة.
إرسال تعليق