المقادير
2 كلج لحم من الفخذ او العنكرة او مخلطين
نصف م ص ابزار اسود
ربع م ص ابزار ابيض ابيض
م ص سكينجبير
م ص عامرة عطرية لمروزية
م ص ملح
م ص خرقوم بلدي
كمية مهمة من زعفران شعرة او ضامة زعفران
ربع م ص قزبر حبوب
6 فصوص ثوم محكوك
عود قرفة
م ص عامرة قرفة
كاس ص ماء
125ج زبيب احمرمغسول جيدا
حبة تمر
ربع م ص سمن
كاس ص زيت رومية وبلدية
2 م ك عسل حر + م ك سكر
100ج لوز مقلي
الطريقة
تخلط العطرية بالماء ويشرمل اللحم ويترك ليلة كاملة في الثلاجة
وبعدها يوضع اللحم في طنجرة مع الزيت ونصف كمية الزبيب والماء الكافي وتطهى على نار قليلة من الافضل على الفحم وفي الاخير يضاف القرفة وباقي الزبيب ويضاف العسل و السكر فوق اللحم ومرة مرة ياخد من المرق ويصب فوق اللحم كي يتشرب لحلاوة كامل ويترك حتى تنشف وتوقف وفي هاد المرحلة اللحم ميتحركش بالمعلقة نهائي وانما تحرك الطنجرة من حين لاخر باش ميلسقش وتقدم مزينة باللوز والبرقوق او حسب الرغبة
بالف هنا وشفا
*ملاحضة
لي تيحب لمروزية حلوة اكثر يزيد العسل او السكر اما بالنسبة ليلي انا هاد الكمية كافية زيادة عن لحلاوة دالزبيب لي طاب معاها من الاول تيخلي اللحم يطيب فالحلاوة وتيشربها اكثر
و تبقى مسالة دوق لا اكثر
*عطرية لمروزية في حدود 20 درهم
((بسيبسة + قعقلة +نويويرة + ظهر فلفل + ابزار البيض + كوزة صحراوية +لسان الطير + مسكة حرة + من 4 الى 6 حبات قرنفل + عود قرفة بلدية+ زعفران حر))
ينقى الكل ويصهد ويطحن ويضاف اليه
م ك جنجلان محمر ومطحون +م ك لوز محمر ومطحون بقشره
إرسال تعليق