المقادير
1كلج سكسو من النوع الممتازوالرقيق
دجاجة من وزن 2 كلج منضفة جيدا ومحكوكة بالملح والحامض والزنجبيل طري ومشللة جيد وناشفة
شرمولة
م ص ابزار ابيض + م ص ابزار اسود
م متوسطة كل من خرقوم عرق + سكين اجبير
ملون اصطناعي
1 كنور سمن + 1 كنور غنمي +1 ضامة زعفرا النوع الصغير
ملح حسب الحاجة
م ص سمن
كاس كبير ماء
الطريقة
تخلط المواد كلها بالماء وتشرمل الدجاجة جيدا وتوضع في برمة الكسكس + باقي شرمولة +بصلة كبيرة مشلدة رقيقة + قسبر ومعدنوس مربطين يشحر جيدا حتى تشرب ليقامة ويضاف اليها كاس ص معامرش ربع زيت الزيتون والباقي زيت المائدة يتقلى قليلا ويمرق المرق الكافي ولما تغلي البرمة يوضع في الكسكاس سكسو مبسس بالزيت ومرشوش بالماء يفور جيدا ويتعاود بالماء والملح ويرجع يفور ومرة الاخرى يتعاود بالماء ويترك يشرب ويدهن بالزيت ويرجع يفور جيدا ويكون جاهز يحل بقليل سمن والمرق تزال منه الدجاجة وتنشف وتقلى في زيت لي قلينا فيه اللوزمضاف اليه م ك زبدة لعباراو تدهن بالزبدة وتدخل للفرن تتحمر
و يصفى المرق جيدا مع الدعك بملعقة حتى تنزل كل البصل ونحصل على مرق صافي ياخد منه مقدار مغرفة ويضاف اليها م سمن ويحل به سكسو ويسوى ويقدم مزين بالتفاية سبق ونزلت طريقتها
والبيض واللوز والتمر معمربالبيسطاش +المشمش معسل + رقائق اللوز
ويقدم مرفوق بالمرق
بالهنا والشفا
إرسال تعليق