كرواصون الشيف ساهلة ومورقة

هاد كرواصة ساهلة في الخدمة وتتجي النتيجة بحال كرواصة الشيف ومنزلتها حتى جربتها ازيد من 5 مرات والنتيجة واحدة كما في الصورة تماما
على بركة الله
المقادير
250 ج دقيق فورص ممتاز
2 م/ك سكر
2 م/ك زيت
شويش دلملحة
م/ص عامرة مزيااان خميرة الخبز
125 ج ماء او كاس صغير عادي
لتوريق 
 125 زبدة + 2م/ك نشا
للدهن لك الاختيار

 اصفر بيضة + معلقة حليب + حبيبات قهوة سريعة الدوبان او م/ك حليب غبرة + م/ص سكر + قليل من الماء حتى ترجع سائل ثقيل
الطريقة
نحلو الخميرة بمعلقة ماء و م/ص سكر
في اناء عملي الطحين وزيدي عليه جميع العناصر السابقة +خميرة وجمعيهم بالماء خصها تكون مرخوفة ومتلسقشي فاليد دلكيها واحد 2 دقائق تال 3 وكوريها ورشي عليها شويش طحين وخليها ترتاح واحد 30 دقيقة غير في المطبخ .
دابا ندوزو لزبدة ديال التوراق كنقبطها وكنضيفو عليها النشا وتنحاولو ندخلوه فيها مزيااان حتى يشرب تماما وهدا هو السر الي كيخلي كرواصة تجي مورقة لانها تتشرب رطوبة ديال الزبدة
. ملي ترتاح العجين تنعملو فيها علامة + من الفوق ونسرحو ليها غير الاطراف الاربعة نحاولو منقصوش الوسط ونخليوه غليض ونوضعو الزبدة في الوسط ونطويو الاطراف فوق الزبدة يغطيوها تماما ونطلقو العجين مزيااااااااااااااان تا تولي رقيييقة ) راها تتكون ساهة فطليق والزبدة متتخرجش نهائيا والمكان لتتخدمي فيه يكون مرشوش بالطحين هو والمدلك
وبداي تطويها من جناب للوسط بحال كتطوي البالميي وفي الاخر تتحصلي على شريط العرض ديالو 6 سنتيم وتتعاودي طلقيه على طولو حتى كيولي رقييق وتجمعي الجناب الي في الوسط كما في الصورة وغطيها ببلاستيك غدائي ودخليها لتلاجة لمدة ساعة
ومن بعد ها شكليها مباشرة/ بتيبان . كرواصة. شنيك ودهنيها بخليط البيض وخليها تخمر في مكان دافئ وعاودي دهنيها مرة اخرى برفق مدغطيش عليها وطيبيها في فرن يكون سخون مسبقا في حرارة معتدلة
بالهنا واشفا