المقادير ( كاس الشاي )
1كلج دقيق البيض ممتاز
250ج دقيق قمح مغربل في غربال لحرير او ثوب مسلين (ممكن تعويضه ب 125ج فينو )
زلافة جنجلان محمر ومطحون جدا
م ك نافع مصهد ومطحون ومغربل
م ك حبةحلاوة مصهدة ومطحونة ومغربلة
م ك قرفة
2 حبات مسكة مطحونة مع قليل دقيق
نصف م ص خرقوم(ملون)
قليل زعفران حر محكوك بين اليدين ومرطب في قليل جدا ماء زهر
رشة ملح
كاس زبدة لعبار مدوبة
كاس زيت المائدة ( يمكن مزج زيت بلدية ورومية )
كاس ماء
كاس ماء زهر
بيضة +اصفر بيضة
2م ك خل
م ص ممسوحة اي معامراش خميرة الخبز مدوبة في قليل جدا ماء دافئ
الطريقة
يخلط النواشف جيدا وتخلط السوائل وتوضع على النار حتى تدفئ وتصب على النواشف ويجمع العجين يكون قاصح ويضاف الماء عند الحاجة (ولوان هاد الكمية دالسوائل تتجي حساب مع الخليط ) تدلك جيدا وتعمل كويرات وتوزضع في بلاستيك كي لا تنشف وتطلق كل كويرة رقيقة اوحسب الرغبة (عن نفسي احبها رقيقة) وتشكل وتترك تنشف وتقلى في الزيت وتطفى في العسل وترش بالجنجلان
بالف هنا وشفا
ملاحضة
*باش الشباكية تبقى فالشكل ديالها ومتحلش اثناء القلي يجب ان تترك في الهواء حتى تنشف جيدا وادا اقتضى الامر تترك ليلةكاملة
*عند القلي يبدا باول تشكيلة
* باش تجي الشباكية شاربة لعسل ومتنشفشي تعسل مريتين المرة الولى وتقطر وتبات ويعاد تعسيلها بعسل جديد مضاف اليه م ك كليوز (اختياري ) ادا توفر يكون افضل والا غير عسل يكون جديد
*****
إرسال تعليق