المقادير
1/2 كلج ورقة البسطيلة مدهونة بالزبدة
دجاجة بوزن 1و1/2 كلج
4بصلات متوسطين مشلدين
نصف زلافة قزبور ومعدونس هدا الاخير يكون اكثر
2فصوص ثوم محكوكين
2عواد قرفة
كاس زيت مخلط رومي وبلدي الرومي اكثر
م ص سمن
ماء
6 بيضات


الطريقة
في قدر نضع البصلة والربيع والثوم والقرفة عواد والعطرية وكاس ص ماء نشرملو فيه الدجاجة ونخليوها تشحر مزيان ونمرقو ونخليوها طيب
ونزولوها ونفتوها وعملو ليها قليل سكر ونخليوها جانبا والمرق نعملوه في مقلات ونشحروه ونزيدو عليه القرفة مطحونة والسكر
ونضيفو البيض وحدة بوحدة وحنا تنحركو مزيان  وخليوه حتى يوقف في الزيت متباقش نقطة دالماء 


 الحلو
تنعملو قليل دغميرة +الدجاج +اللوز ونطويو

اما المالح
نفس المقادير اعلاه باستثناء البيض والسكر والقرفة واللوز
تنعوضوهم بالفرماج محكوك والزيتون مقطع والفطر لكان موجود

- طريقة المالح
تنصبو الدجاج والعطرية والبصلة ونخليوه يتشحر ونمرقو نخليوه يطيب
ومن بعد نزولو الدجاج ونفتوه رقيق
والدخميرة لي طاب فيها نخليوها فوق النار حتى توقف تماما وميباقش المائ نهائي تبقى غير الزويتة ورجعو فيها الدجاج لمفتت ونخلطوهم مزيان مع بعضهم ونخليهم يبردو

نقطعو الورقة بالمقص على شكل شرائط وندهنوهم بالزبدة ونعمرو كيف موضع بالصور

 المالح
تنعملو الدجاج والدغميرة ثم الزيتون مقطع والفرماج محكوك

 ونعملوهم يطيبو في فرن معتدل الحرارة
ومنين نخرجوهم نزينو على حسب الدوق الحلو اما يرش بالسكر او ندهنوه بالعسل وزينو باللوز رقائق
والمالح نزينوه بالفرماج مربعات على شكل ورود وبالكاشير كدلك وبالسمسم والبافو

ملاحضة يمكن الدجاج نقطعوه الى 4 
الصور توضح













 








إرسال تعليق

 
Top