اللحم ممكن اكثر او اقل حسب المستطاع
هاد الطريقة خديتها من عند طيابة دالاعراس طيابها روعة بمعنى الكلمة بشهادة كل من داق طيابها ورجعات هي طريقتي المعتمدة فالطياب سواء كانت الكمية قليلة اوكثيرة وفعلا تتجي لدة وريحة مثل الطياب لكبير ونتمنى لي جربها تعجبو لانها فعلا تستحق التجربة
المقادير
2كلج لحم بقر
شرمولة
ضامة زعفران
راس م ص سمن
ملح
نصف م ص ابزار اسود راس م ص ابزار ابيض وابيض (فلفل اسود وابيض)
م ص سكين جبير
نصف م ص خرقوم بلدي (كركم)
3 فصوص ثوم كبار
م ك ربيع مقطع رقيق ( قزبر وبقدونس)
2حبات قعقلة وعود بسيبيسة صحاح او راس م ص مطحونين ( هيل وقشرة جوزة الطيب )
ربع م ص قزبر حب مطحون
كاس ماء
للطنجرة
بصلة متوسطة مشلدة رقيقة + نصف كاس ص زيت المائدة وزيت زيتون بالتساوي + الماء الكافي
الطريقة
يشرمل اللحم بالعطرية المدكورة ويوضع في الطنجرة على النار حتى يغلي جديا ويشرب القوام وتضاف اليه البصلةوالزيت وتيقلى جيدا حتى تدوب البصلة تماما ويمرق ويترك يطهى ويضاف اليه قطعة صغيرة من السكر ويغلي قليلا ويطفى عليه
ويقدم مرفوق بالبرقوق والمشمش والزبيب معسلين كل واحد على حدى ويزين باللوز والكركاع مقليين في الزين
بالف هنا وشفا
ملاحضة
- منكتروش الملح فالاول حتى لنصف الطياب عاد نقادوها لان اللحم منين تيطيب تيخرج الملحة
- باش اللحم يجي شارب ليقامة يترك في شرمولة ساعة على الاقل الى 3 ساعات
- باش يجي اللحم لديد يتقلى جيدا وميتكترشي لو البصلة لانها تترون المرق هدا سر من بين اسرار اللحم
- وادا كانت عراضة دناس مهمين المرق يتصفى ويتنزل منو قليل فالطبق منكتروش خاص اللحم يغلب على المرق
الزبيب منين يتعسل نضيفو لو اما اللوز او الكركاع مقليين ومهرمشين
-
وبالتوفيق
تبارك الله عيك وبالصحة والراحة
ردحذفهادي مدونتي مرحبا بيكhttp://cheffatiha.blogspot.be