المقادير
250ج دقيق ابيض ممتازم ك سكر
نصف م ص ملح
ابيض بيضة ونصف اصفرها والنصف الاخر يحتفض به للدهن ( اما لي ضاعف المقادير تعمل بيضة كاملة )
2 م ص خميرة حبيبات
م ك زيت
كاس عنبة كبير ماء وحليب بالتساوي يزيد بقليل او ينقص حسب نوعية الطحين
للتوريق
125ج زبدة التوريق + م ص خمارة يتخلطو مع بعض
للدهن
نصف اصفر بيضة + م ك حليب بودر +2 م ك حليب سائل + ربع م ص سكر يخلط الكل جيدا
*الطريقة
نجمعو العجين تكون رخوة وتدلك جيدا وتخمر جيدا وتطلق مع الرش بالدقيق والنشا ويوضع وسطها قطعة الزبدة لي كنا خلطنا معاها الخمارة مزيان وتطوى عليها وتطلق وتطوى على 3 وتدخل الثلاجة 15د وتطلق وتطوى مرة اخرى على 3 وتدخل الثلاجة وتعاد العملية مرة اخرى اي ما مجموعه 3 مرات دورة عادية ( tour simple ) وترتاح في الثلاجة 15 د وتكون جاهزة للعمل تشكل وتخمر وتدهن بخليط الدهن وتخبز
ملاحظة
نصائح مهمة اسفل الصفحة يجب اتباعها بالف هنا وشفا
الصور توضح
نصيحة لنجاح العجين المورق:
اول نصيحة واهمها هي : الخاطر وطول البال والاستعداد النفسي وعدم التسرع وعمل الشيئ بحب وليس مجبرة او معصبة او زربانة
على بركة
-العجين تكون مرخوفة مابين الخبز والبريوش
- العجين والزبدة يكونو بنفس درجة الحرارة وبنفس السمك
- ترتاح في الثلاجة 15د بين كل دورة
- منين نخرجوها لكانت قصاحت اكثر من اللازم نضربوها بالمطلق حتى ترخف منضغطوش عليها بقوة والا غادي تمزق
- ومنين نطلقوها باش نشكلوها ضوري ترتاح غير في المطبخ واحد 10 د كحد اقصى عاد نشكلوها خاصنا نجبدوها لضعفها ومتقطعش كما في الصورة اعلاه
- وعند لف الكرواصون نجبدوها ونلسقو الطرف السفلي بالرخامة باش مترجعش اثناء اللف و منضغطوش عليها من الوسط نلفوها بيدنا بزوج من الجوانب وبلا منضغطو خاصها تبقى مرخوفة اثناء اللف باش تلقى فين تخمر وتنفخ و متحلش من الفوق اثناء الطهي ومتجيش مكتومة
-اثناء الدهن ندهنو برفق و منضغطوش باش متنزلش العجين
- الفرن ساخن من قبل وتخفض الحرارة قليلا منين ندخلوها مثل طياب الخبز
- باش تجي مقرمشة من الخارج و منفوخة وخاوية اثناء الخبز نخبزو في فرن ديال المروحة والا نعملو اناء فيه الماء مغلي في الرف الاوسط للفرن اي النار من التحت وفوقها الماء فموضع الخبز وفي الرف العلوي نزلو اللاطة الصورة اعلاه توضح اكثر هدا بالنسبة لفرن الغاز اما فرن الكهرباء تخبز عادي بالمروحة
-يمكن نعملو بكميات كبيرة ونخزنوها في المجمد لوقت الحاجة
وبالله التوفيق
إرسال تعليق