البحلاوة
مقادير العجين
250جرام طحين +
ربع رابعة زبده طرية +
2م/ص خل +
2 م.ك ماء الزهر +
م.ك سكر كلاصي+
رشة ملح +
قليل ماء دافي تكون قاصحة شوية وتدلك مزياااان وترتاح فبلاستيكة ونمر للحشوة مقاديرها كتالي
1كيلو كاوكاو مصهد في الفران غير جهد لتحيدليه القشره ويتقشر ويكون بيض ويقلى في الزيت ويتطحن جيدا ونزيدوليه رابعه جلجلان محمره و مطحونه + شوية قرفه +شوية الزبدة مداية شي 2م.ك + ماء الزهر تا تجمع
الطريقة .
تنقسمو العجين على جوج كويرات كنطلقو الاولى حتى تولي ورقة ونعملوها في الاطة ونعملو فوقها الحشوة كاملة ونبسطوها مزيااان بدلاك باش تخد شكل متساوي ونطلقو الكويره التانيه مثل الاولى ونغطيو بيها الحشوة ونتبتوها اعليها مزيان دائما بدلاك
ونقطعوها مربعات او معينات او مثلثات ونتكو فكل مربع لوزه او كاوكاوة وندخلوها للفرن تطيب على نار اقل من متوسطة شوية حتى تاخد اللون الدهبي ونسقيوها بالعسل مباشرة وهي سخونه ونرجعوها للفرن مطفي ونخليوها حتى تبرد تماما ومن الاحسن تبات ونقدموها فكويغطات ديال الحلوة
وبالصحه والراحة .
2- حلوة كاوكاو في الكواغط
المقادير
1 - 1كلج كاوكاو محمر ومقشر ومهرمش رقيق
125ج كوك
125ج سكر كلاصي
2 - السائل باش نجمعو
علبة كاوبيل
كاس ص زيت
كاس ص سنيدة
كاس ص ماء الزهر
نعملو كلشي في كاسرونة ونعملوه على نار مهيلة مع التحراك حتى يتقال وهاهو واجد
للتفناد
الكوك
الطريقة
نخلطو المقادير الاولى
ونجمعوهم بالخليط 2
لجا الخليط مطلوق نخليوه يرتاح غير شوية راه تيشرب
ونكوروهم ونفندوهم في الكوك ونعملوهم في كواغط دالحلوى
وبالهنا والشفا
حلوى 3
مقادير العجين
عجين لكعاب
1/2 كلج طحين
م ص سكر
4 م ك زبدة مدوبة
بيضة
قبصة مسكة قليل فاني
م ص خل
ماء الزهر لجمع العجين
العقدة
1/2 كلج لوز مفسخ ومطحون مرتين مع 250ج سنيدة
قبصة مسكة
قليل زبدة مدوبة
الطريقة
تجمع العجين تكون قاصحة شويش وتدلك
وتطلق وتقطع دوائر
وتعمل الحشوة على قد الدائرة وتغطى بدارة اخرى وتنقش من الفوق وتزين بحبة لوز
وتطهى مثل الكعبة وعند التقديم تدهن بالناباج
ونقدموهم
حلوى 4 ليمفندة في السكر كلاصي
بيسكوي الثلج
المقادير
رابعة زبدة ماركرين
كاس سكر كلاصي
كاس نشا
قبصة ملح
فاني
الطحين حسب الخليط
للتنفند
سكر كلاصي
الطريقة
نخدمو الزبدة والسكر حتى تصبح مرهم / بوماد/
ونزيدو النشا و الطحين حتى تجمع
ونعملوهم صبيعات ونطيبوهم 10د
ونفندوهم في السكر كلاصي وهما سخان
الحلوى 5
الميرانغ
2بيباض بيض
100ج سكر كلاصي
فاني
قبصة ملح
للزينة
عقيق
الطريقة
نعملو كاسونة فيها الماء طايب وبعيدا عن النار
ونعملو البيض في يناء ونضيفو القبصة ملح والفاني ونبداو نخدمو فوق هاد الماءالسخون وحنى تنزيدو السكر ملعقة بملعقة
حتى يطلع ونزولوه من فوق الاناء دالماء ونكملو التطراب حتى يبرد الخليط لانو تيكون سخن
ونضيفو قطرات فقط من الحامض
ونشكلوه في جيب حلواني على شكل وردات ونزينو بحبة عقيق
وندخلوه للفرن يطيب لمدة 2ساعات على نار باردة والفرن نصفو محلول
مخاصهمشي يتغير لونهم
ولحبيتي تعملي الميرانغ ملون ضيفي اللون لتتفضلي
وبالهنا والشفا
حلوى 6
feu rouge
الاشارة الضوئية
المقادير
غير محددة
كوك مطحون
نسلي باش نجمعو
ملونات غدائية - احمر -اصفر - اخضر
شكلاط اسود مدوب
الطريقة
نجمعو الكوك بنيسلي ونقسموه على 3
ونعملو كل جزئ بلون معين
ونعملو حرابل
ونشكلو حربول اخضر ونصبو فوقو الشكلاط حتى يغطيه ونزلو فوقو الاصفر ثم الشكلاط ثم الاحمر
ونصبو على الكل في الشكلاط بحيث تتجي الشكلاط فارق الطبقات
ونخليوه يشد راسو ونقطعوهم ونعملوهم في كواغط الحلوى
إرسال تعليق