ورقة التعريف
لماذا تمت تسميتها بالبهلة ؟
يحكى ان
كانت هده الحلوى في القديم مختصرة على معلمين افران الحي هم ليتيعملوها وبمقادير بسيطة جدا تقتصر على الطحين والزيت والسكر فقط
ومن بعد اصبحو السيدات تيعلوها في المنازل وضافوعليها الزبدة والسمن
وسمية بغريبة البهلة على حد قول بعض الجدات لان الحلويات كانت تعمل باللوز والكوك والكاوكاو وحتى العادية كان يعمل فيها البيض وهي مسكينة حيت بهلة هههه مفيها حتى شي مادة من هاد المواد كانت قانعة غير بالزيت والسكرحيت بهلة هههه كانت مغبونة بين صحيباتها ومكانتشي تدافع على نفسها شوف دبا منين فاقت من البهلان وطورات كيف نتاقمت لحكرة السنين ومابقى قدها حد ههههه رجع شعارها ياارض اتهدي ماعليكي قدي ههه
هدا ماكان والله اعلم
المقادير
150ج زبدة لعبارلينة
كاس عنبة سكر كلاصي
كاس عنبة مملوء جيدا زيت
راس م ص سمن
نصف م ص قرفة
نصف فاني
1خمارة ونصف الزا
كاس جنجلان محمر
125ج كاوكاو محمر ومقشر ومطحون وهو ساخن
مقدار حمصة خميرة الخبز محلولة في قطرات ماء زهر
مابين 650و700ج طحين مغربل
ويمكن اضافة الطحين ادا مترملاتش خاص العجين يكون مرمل قليلا لان نوعية الطحين تختلف كاين لي تيشرب واخر تيطلق الرطوبة
الطريقة
تخدم الزبدة والسكر والسمن بالطراب الكهربائي جيدا مع اضافة الزيت بالتدريج حتى تصبح كريمة بيضاء السر الاول
يضاف باقي المواد وتجمع جيدا وتوضع فيكيس بلاستيكي ثم توضع في كوكوط يسد عليها مع وضع الصفارة وتترك ليلة و من بعدها تدلك جيدا السر2
تدلك بين راحتي اليدين لان اليدين فيها حرارة تساعد على الدلك الجيد السر 3
تكور بين الكفين وتكوير يكون مرخوف لا يضغط عليها باش متكتمش اي نكورو ويدينا محلوين عليها وفي الاخير نبسطوها برفق السر 4
المهم والاهم تطهى في فرن الحي
الصور
إرسال تعليق