المقادير
400ج طحين فورص ممتاز
بيضة
2 ك حليب بودر / غبرة/
م ك ممسوحة خميرة
م ك سكر
ملح
نصف م ص محسن
30 ج زبدة العبار
كاس ماء لي يجمع تكون ما قاصحة ما رطبة بين وبين
اللتويق
200 ج زبدة مخلطة بالتساوي ما بين دالعبار وماركرين او زبدة خاصة بالتوريق
الحشوة
كاشير +فرماج مثلثات
للدهن
اصفر بيض+ حليب + نسكافه
للزينة
رقائق اللوز او او فرماج محكوك او بافو او جميعهم
الطريقة
نجمعو مقادير العجين وندلوها مزيان مزيان ونغطيوها بكيس بلاستيك ونخليوها ترتاح في المطبخ نصف ساعة
ومن بعد نعملو عملية + في العجين ونزلو فيه الزبدة على شكل مربع ونطويو مثل الضرف ونطلقو ونطويو على 3 ونخلوها للمجمد نصف ساعة ونطلقوها ونطويو على 3 وترتاح في المجمد نصف ساعة وتعاد العملية 3 مرات تكون جاهزة
تطلق وترتاح قليلا وتقطع مثلثات وتحشى بالكاشير والفرماج وتلف وتخمر وتدهن بمواد الدهن وترش برقائق اللوز
او الفرماج محكوك و البافو وتطهى في فرن متوسط الحرارة ويكون مسخن من قبل مزيان لمدة 20د
الطريقة بالصور
بالهنا والشفا
نصائح لانجاح العجين المورق:
اول نصيحة واهمها هي : الخاطر وطول البال والاستعداد النفسي وعدم التسرع وعمل الشيئ بحب وليس مجبرة او معصبة او زربانة
على بركة
- بديل المحسن = عصير الحامض والخل معا
- العجين والزبدة يتخدمو باردين ومخاصشي العجين تخمر اثناء التوريق
- ترتاح في الثلاجة لكانت تتبرد مزيان والا ترتاح في الفريكو
- منين نخرجوها لكانت قصاحت اكثر من اللازم نضربوها بالمطلق حتى ترخف من ضغطوش عليها بعنف
- ومنين نطلقوها باش نشكلوها ضوري واجباري ترتاح غير في المطبخ مابين 10 الى 15 د كحد اقصى عاد نشكلوها خاصنا نجبدوها لضعفها ومتقطعش كما في الصورة اعلاه
- وعند لف الكرواصون نجبدوها ونلسقو الطرف السفلي بالرخامة باش مترجعش اثناء اللف و منضغطوش عليها من الوسط نلفوها بيدنا بزوج من الجوانب وبلا منضغطو خاصها تبقى مرخوفة اثناء اللف باش تلقى فين تخمر وتنفخ ومتجيش مكتومة
- البتي بان يطوى ولا يلف بمعنى نطويوه بحال لمسمن على 3 للحجم الصغير وعلى 4 للحجم الكبير
-اثناء الدهن ندهنو برفق و منضغطوش باش متنزلش العجين
- الفرن ساخن جدا من قبل وتخفض الحرارة منين ندخلوها
- باش تجي مقرمشة من الخارج و منفوخة وخاوية اثناء الخبز نخبزو في فرن ديال المروحة والا نعملو اناء فيه الماء مغلي من التحت في الفرن
-يمكن نعملو بكميات كبيرة ونخزنوها في المجمد لوقت الحاجة
وبالتوفيق
اللهم اجعل اعمالي خالصة لوجهك الكريم
إرسال تعليق