المقادير
:
نصف كيلو طحين فورص
ربع معلقة صغيرة الملح
قليل من الماء الدافىء
4 معالق كبار سنيدة
1 فاني
1 بيضة
2 معالق كبا خميرة الخبز
2 معالق كبار الزبدة او 50 غرام
1خميرة الحلوى
لتوراق العجين:
200غرام الزبدة مخلطة ب1 خميرة و1 فاني
للحشوة
كريم باتسيير
الفواكه المرقدة
اصفر البيض لدهن شنيك
الطريقة:
نخلطوا جميع مقادير العجينة
اللي دكرت مع اضافة الماء الدافىء
حتى تجمع و ندلكوها مزيان
تم نقسموها الى 6 كويرات متساوية
كناخدوا كل كويرة و نبسطوها
و نورقوها بخليط الزبدة مع الخميرة و الفاني
و نشكلوهم بحال المسمنة
و هكدا بالنسبة للكويرات كلهم
تم نبسطوا المربعات
و نعملوا واحدة فوق واحدة
و احنا كنعملو الزبدة
حتى نكملوا المربعات كلهم
و نكملوا خليط الزبدة
خاص داك 200 غرام الزبدة
كلها تدخل في العجين اثناء التوراق
كنخليوها ترتاح
و من الافضل تدخليها للثلاجة
كتكون افضل فالتوريق
و نوجدو الكريم باتيسيير
انا كناخذ البودرة الجاهزة
كنخلطها كيف معروف مع الحليب و السكر
و ممكن نضيف عليها اي نكهة
و نديرها تطيب مع التحراك المستمر
حتى تعقاد
كنجبدو العجينة من الثلاجة
على بال متبرد الكريمة
(باش متقطعش لينا العجين)
كنطلقو
العجينة فوق سطح مرشوش بشوية فورص
و ندوزو عليها الدلاك
و نحاولو ما امكن نشكلوها بحال مستطيل
كي يسهل لفها
حتي تعطينا سمك مناسب
تقريبا كيكون بحجم راس الاصبع
وناخذو الكريم باتيسيير
و نسرحوه فوقها
و بعدها ندردرو عليها الزبيب
و نلويوها بحال الزربية
بدون ضغط باش متخرش الكريم باتيسيير
تم الى الفريكو
حتى تقساح لينا العجينة
باش تجينا ساهلة في التقطاع
على شكل شنيك
و تبارك الله كلشي كيعرف للطريقة
تم نوضعوهم في لاطة مدهونة
و نخليوهم حتى يخمروا شي ساعة الوقت
تم ندهنوهم تم الى الفرن
من بعد مكيطيبو كندهنهم بشوية الكونفيتير
و ندرردروا عليم شويش داللوز
إرسال تعليق