المقادير
1/2 طحين
4 م ك زيت
قليل ملح
ماء دافئ قليلا
تجمع تكون قاصحة شويش وتدلك جيدا وترتاح في بلاستيكة 10د
وتقطع كويرات صغيرة وترتاح مرة اخرى دائما تغطى ببلاستيك
في هاد الاثناء نوجدو الحشوة
مقادير الحشوة
2بيضات
علبة طن مطيشة
نصف م ص كمون
راس م ص سودانية
2فرماجات
قليل معدنوس
مافيهاشي الملح
الطريقة
في مقلات فوق النار نضع قليلا من الزيت +البيض+الفرماج
ونحركو حتر يطيب 3/4
ونضيفو الطن وباقي المقاديرونحركو ونطفيو
ونخليوها تبرد
نبداو بالبريوات
نطلقو العجين رقيقة جدا حتى تبان رخامة وندهنو بالزيت فقط
ونزلو شويش دالحشوة في القنت من التحت
ونطويو كيف الصورة ونشكلو بريوات
ويالنسبة للسيكار الصورة توضح كلشي
والهلاليات
تنطلقو العجين ونطيوه على2 ونعملو الحشوة الوسط
ونطويو على 2 مرة اخرى بحيث تتاخد شكل مثلث
وروليوها على شكل هلال
والرغيفات
تنورقو العجين ونعملو الحشوة في الوسط
ونطويو
نقلبو العجين من الجهتين على بعضهم وكدلك الجهة الثالثة
والجهة الرابعة نعملوها من التحت باش لعمارة تجي في الوسط والتراق يجي متساوي قد الفوق قد التحت
ونعملو الكل في لاطة وندهنوهم باصفر البيض محلول مع قليل حليب ورشو بالجنجلان ورقائق اللوز
وندخلوهم للفرن يطيبو على نار مهيلة باش يجيو مورقين وقرمشين
وبالهنا والشفا
وااااااااااو شهيتيني فيهم الله يعطيك الصحة
ردحذف