هاد الوصفة عطاتها لي صديقتي ايطالية مقيمة في المغرب دقتها عندا وعجباتني ونتمى تعجبكم انتم كدلك
المقادير
سمكة باجو او قرب انا ملقيتهمش بزوج وعملت غير هاد النوع لي فالصورة
كاس ص زيت المائدة
كاس ماء
ملح ابزار +حامضة
الرند انا زدتو من عندي اختياري تيجي بلاه مزيزن
مقدار من البطاطا مقطعة مربعات صغار
الطريقة
نعملو للسمكة الحامض ثم رشوها بالملح والابزار
ونفرشو البطاطا في صينية الفرن
ثم نوضعو فوقها السمكة ونصبو الماء في الجنب والزيت من الفوق
وندخلوها للفرن طيب ساعة على حساب الكبر ديالها وراقبها حتى يتبخر الماء ويبقى غير الزيت
ونزلوها في طبق التقديم ونزولو ليها الجلدة تتزول بسهولة
ونقدموها مع البطاطا ليطابت فيها والخضر مسلوقة او مبخرة والارز
انا ماء سلق الخضر مترميهش تنزيد ليه طريف دالزبدة ورشة ابزار وتنطيب فيه الارز
إرسال تعليق