المقادير
سميدة غليظة كل واحد وقياسو
زيت
زبدة
حليب
زبيب مغسول ومرطب في ماء الزهر واحد الساعة
للزينة
بيض مسلوق
مرقوق ومشماش معسلين
رقايق لوز
تمر
سكر كلاصي
الطريقة
ندهنو السميدة بالزيت ونبسوها مزيان حتى يتوزع فيها كاملة
متيتفتلش غير رشة او زوج بالماء وصافي ويفور هادي هي الميزة لي فيه باش تيجي رقيق بحال سكسو ترية الرقيق
ونصبو الكسكاس في بانيو فيه الماء بارد عادي خاص سكسو
يتغطى كامل بالماء ونحلوه في هداك الماء ونبداو ناخدو بالحفنة ونعصرو
مزيااااااااان على اخر جهد متخافوش راه ميتعجن ولا والو ولكان عندكم شي
واحد في الدار تيعرض عليكم عضلاتو هادي هي لوجيبة هههههههه امزح
المهم يتعصر بين اليدين مزيان ونزلو في القصعة حتى نسليو
هاهو مسكين معصر تيطلب النجدة
ورشوه بالملح ونخليوه واحد 10د يرتاح وندهنوه بالزيت ويرجع يفور عادي
ونعاودوه بقليل حليب وندهنوه مرة اخرى بقليل زيت ونعملو في قاع الكسكاس الزبيب لي رطبنا من قبل ونزلو فوق منو الكسكس ونخليوه يفور
وهاهو واجد
نحلو بالزبدة انا تنستعمل زبدة بلدية
وحليو على حساب الدوق بالسكر كلاصي او بالحليب مركز محلى
ونعملو المونطاج كل ودوقو وكلد اليطارات لي عندو
وتقدم مزينة حسبة الدوق والموجود وانتما غادي تزينو احسن مني بكثير
إرسال تعليق