مخمار مورق وهشيش

مع الزبدة بلدية والعسل او المربى يا سلام

الفينو و الفورص مقدار  متساوي قد الفينو قد الفورص و يخلطو مزيان حتى يتجانسو

من بعد زيدي سنيدة و الملح و الخميرة المعجونة

وزيدي الما دافي مع الجو بارد و خلطي الخليط و العجينة تكون مرخوفة شوية ماشي قاصحة ودلكيه شوية غير يتخلط الخليط

و تجمع مزيان فيديك و ديريها فوق الطابلة باش تخدمي

و  العجينة كتكون مرخوفة و كتبعك فيديك

ثم قطعيها كوريات متساوية

ثم وجدي الزبدة بزايد مع شوية دالزيت دايبين و الفينو و الفورص مخلطين للتوراق
وتلف مع  الدهن  بالزبدةوالزيت والدقيق باش  تجي  مورقة

من بعد كتلويها 2 لويات و تخلي طريف من العجينة

و من بعد تشد طريفات العجينة وتجمع  للوسط وتقلب وتترك  تخمر

ومن بعد ما يخمرو الكويرات كتمسلي وحدة بوحدة و ديريهوم يطيبو فالمقلة  الثقيلة  وحدة بوحدة