الزيتون الابيض
تناخدو الزيتون ونغسلوه ونعملو كمية في بلا ستيكة ونهرسوه في وسطها بهاد الطريقة تنسهلو علينا الامر ماشي كل مرة نضربو يدنا بالحجرة و تنحافضو على نضافة المكان لي تنشتاغلو فيه وكدلك على يدينا متيدبغوش بالمرجان لي تيتطلق
ولي هرسناه نعملو في شي اناء لي يساعو لينا
ورشو عليه الملح من الاحسن الملح لغليضة انا قضيتت غير بدال الطبخ مكانشي عندي دالزيتون ونخلطو مزيان حتى تتوزع عليه كامل
ونخويوه في خنشة دالطحين تكون مغسولة وناشفة ونتقلو عليه ومرة مرة نقلبوه باش يطيب مقاد ونخليوه لمدة مابين 20 حتى 30 يوم
ومنين يطيب هاهو الشكل ديالو
نغسلوه مزيان بالماء حتى يرجع الماء ديالو ابيض
ونعملوه في شبكة كبيرة او قلع ونشمسوه لمدة 2 الى 3 ايام في الجو بارد اما لكان الجو سخون فيوم واحد كافي مع تركه يبات في السمرة ضروري باش تيحلى شفتو هدا العداب لي تيتعدب مسكين ها التفرشيخ ها الثقل ها الشمس والسمرة الله يكونو في عوانو ههههههه
ومن بعد نعملوه في قرعة ونغطيوه بزيت الزيتون
انا تيعجبني تنعملو في طنجية
ونتاولوه مع الزيت ديالو تيطلق فيها مداق روعة
الزيتون الاسود
نفس الطريقة غير هو متنهرسوهشي تنخليوه صحيح ونعملو نفس الخطوات
هاهو واجد
وبالهنا والشفا
إرسال تعليق