السلام عليكم
مقادير المربى
1 كلج مشمش
750ج سكر
عصير نصف حامضة
الطريقة
نضفو المشماش ونزولولو العضم ونقصموه على 4 ونضيفو عليه سنيدا ونغطيوه ونعملوه في التلاجة ليلة كااملة
في الصبح غادي لقاوه طلق الماء نطيبوه على نار مهيلة ونولو الرغوه كل ما طلعات لانها هي الي كتفسر المربيات
ومنين يقرب يطيب نحركوه مزياااان بطراب اليدوي باش يدوبو القطع الصغيره
ولي تيحب القطع المشمش يبقاو باينين يحركو غير بمعلقة خشب
وفي الاهير نزيدو عصير نصف حامضة نخليوه غير يغلا ويعاود ونطفيو عليه
ونعمروه في لقراعي معقمين ونحاولو نعمروهم مزاان منخليوشي بلاصة الهواء ونشدوهم مزياان ونعقموهم في الماء حتى نصفهم 10 دقائق من بعد الغلايان ويبقاو حتى يبردو في ماهم
ونقلبوهم على فوامهم ونخليوهم 12 ساعة ونخزنوهم من بعد
بصحة والراحة
2
المشمش مصبر
كمية من المشمش الموجودة يكون قاصح
هناك 2 طرق للقيتوها ساهلة عملوها والنتيجة نفسها
طريقة 1
تقصمي المشمش على 2 ونزلو منو العضم
ونعملوه في قراعي معقمين وخوي عليه السيرو المحضر من
2 كسان ماء + سكر
يغليو 5 دقائق ونزيدو عليه م ك عصير حامض
عمري بيهم لقراعي تيغطيو المشمش وسديهم مزيان
وعمليهم في طنجرة وخوي عليهم الماء حتى يفوت النصف ديالهم ومين يغلى حسبي 20 دقيقة وطفي وخليهم في ماهم حتى يبرد وقلبيهم على فوامهم 12 ساعة
وخزنيهم لمدة 60يوم يكونو واجدين للاستهلاك
منين تبغي تستعمليه زولي لو القشرة تتزول بسهولة
طريقة 2
تتعملي المشماش في ماء غليان لمدة 3د تم صفيه وعمليه في ماء متلج وزوليلو القشرة وقصميه على 2 وعمليه في القراعي متل طريقة الاولى
هنا غتاخدي الماء الي تصلق فيه وتزيدي عليه السكر
3 الخوخ و الشهدية مصبرين
نفس طريقتي المشماش
ولبغيتي تزولي لو القشرة في الاول قشريه عادي بلا متعمليه في الماء طايب
دائما الفواكه الى غتعلب تكون قاصحه مطيباش مزيان
كعس ديال المربى خاصها تكون طايبة مزيان
رائع يعطيك الصحة وشكرا اريد تجفيف البرقوق الاحمر من فظلك
ردحذف