مقادير العجين
1/2كلج طحين
كاس ص زبدة مدوبة
2 م ك زيت
م ك سكر كلاصي
قبصة ملح
فاني
بيضة
ماء الزهر لجمع العجين تكون قاصحة نوعا ما
تجمع العجين مزيان ومتدلشي وتعمل في بلاستيكة وترتاح 12 ساعة
مقادير العقدة
1/2 كلج لوز مفسخ ومطحون مرتين مع 250ج سكر كلاصي المرة الاولى لوحدة ثم المرة الثانية مع السكر
70 ج زبدة +قبصة مسكة متكريشي منها لانها تتمرر
2 م ك ماء الزهر
نخلطو كلشي مزيان ونعملوها حرابل على قد الحجم ليحبينا
الطريقة
نطلقو العجين رقيق ونقطعوه مستطيل ونعملو في حربول
ونلفوه حتى تتغطى العقدة
ونخليو شويش دالورقة ونقطعو على شكل هلال اي مقوصة
ونلفو على شكل حلزوني
تنحصلو على هاد الشكل
ونقشوها من الجوانب ونتبتو عليها وريدات من نفس العجين ليلوناهم وعملنا وحدة قوف الاخرى
ونخليوهم يرتاحو من الاحسن ليلة كاملة ونطيبوهم بحال لكعاب
وندهنوهم بالناباج ونزينوهم بحبة عقيق
بالهنا والشفا
إرسال تعليق