فقاص العين
هدا الفقاص من بنات افكاري ولكان منزل من قبل راه من باب الصدفة فقط
المقادير
3بيضات
كاس سكر
كاس زيت
م ك نيدو او اي حليب لودرة مفضل
خمارة
فاني
قبصة ملح
الطحين حسب الخليط
حبات كرز اخظر واحمر او غير واحد حسب الدوق
للزينة
شطلاك اسود+كوك
الطريقة
نخدمو البيض والسكر والفاني جيدا وضيفو الطحين والخمارة ونجمعو
الشكل الاول
نعملو حربول ونضغطو عليه من الوسط بالاصابع ونزلو فيه الكرز متتابع ونجمعو ه ونحربلوه لياخد شكله الاول وندخلوه للفرن يطيب طياب كامل واخرجوه ونخليوه يبرد ونصبو عليه الشكلاط مدوب في حمام مائي ونخطوه بالشوكة
ونخليوه يبرد ونقطعوه
ها الشكل ديالو راه تيجي احسن من الصور بكثير
اما الشكل الثاني
فتناخدو من العجين ثلثه 1/3 وتنضيفو اللقسم الصغير 2 ك كاكو
ونتعملو 3لحرابل 2بويض وواحد اسود كل واحد اكبر من الاخر
تناخدو الاصغر وتنعمروه بالكرز ونلفوه حول نفسه وناخدو القسم الاكبر منو اسود ونلفوه عيه ثم الاكبر منهم كاملين ونلفو فيه الكل ونحربلو و ونخلوه يطيب طياب كلي ونفندوه في الشكلاط ثم الكوك ويبرد ويتقطع
الصورة توضح جيدا
وبالهنا والشفا
إرسال تعليق