بلاطو صابلي متنوع
صابلي باللوز
المقادير
هاد المقادير متنبدلهمش لان صابلي ديالهم تتجي هشيشة تدوب
125ج زبدة بحرارة المطبخ
كاس ص سكر كلاصي
نصف كاس عنبة زيت
بيضة
2 م ك مايزينة / نشا/
م ص عصير حامض اختياري
للزينة
مربى +لوز مفسخ ومقلي ومهرمش
الطريقة
نخدمو الزبدة والسكر جيدا
ونضيفو الزيت دائما مع التطريب
ثم البيضة
ثم النشا
ثم الطحين حتى تجمع تكون لينة
ونطلقوها في بلاستيكة
نقطعو الشكل لي تنحبو وطيب وتلاقى كل 2 مع بعضهم بالمربى وتدهن بالمربى مصفى من الفوق او بالناباج ويفند نصفها في اللوز
صابلي البطة
نفس العجين تقطع بقطاعة على شكل حرف s ويثقب النصف على شكل عين ولما تطهى الجزئ المثقوب يرش بالسكر كلاصي وتلسق كل 2 مع بعض ويعمر الثقب بالمربى
صابلي المقص
نفس المقادير
تلسقو كل 2 مع بعض بالمربى ونحاولو نزلوهم مفاوتين باش يعطينا شكل مقص ونفندو لي تتكون الفوق في المربى ثم في الكوك ويعمر الثقب بالمربى مصفي ومضاف اليه ملون
صابلي الوردة
كدلك نفس المقادير وتقطع على شكل وردة ومنين طيب تدهن بالناباج وتزين بعجين السكر على شكل زهرة البابونج وتدهن بالناباج وتزين بعقيق
رابط عجبنة السكر
http://www.anaqamaghribia.com/vb/sho...d.php?t=287677
الرابوز
نفس العجين ولما تطهى تعمرب
كاوكاو محمر ومطحون +قليل كوك+م ك كاكاو +م ك سكر كلاصي وتجمع بالمربى المقادير عينك ميزانك وعلى حساب الكمية
وتعمل حشوة لكل 2 وتزين بوريدات من عجين السكر وحبات عقيق وتدهن بالناباج وترش بالبريو
الفقاص
المقادير
3البيضات
كاس ص سكر*
كاس ص زيت
خمارة من الاحسن الزا باش ميتشققش لان اديال مجهدة
فاني
100ج لوز صحيح مرطب في ماء الزهر
1/2 كاس ص جنجلان محمر
م ك نافع
م ك حبة حلاوة
الطحين حسب الخليط
الطريقة
نخدمو البيض والسكر جيدا ونضيفو الزيت وباقي المقادير ونجمعو العجين تكون لينة
ونعملو حرابل وندهنوهم باصفر البيض ونسكافه وم ص حليب الكل مخلط ونحملو خطوط بالشوكة على الحرابل وندخلوهم يطيبو نصف طيبة*
ونخرجوهم ونلمطوهم في منديل ثم بلاستيكة وهما سخانين ونخليوهم حتى يبردو عاد نقطعوهم ونرجعوهم يطيبو النار تكون من فوقهم باش ميعرقشي ومنين يطيبو نقلبوهم على الجهة الاخرى*
البهلة
المقادير
250ج زبدة بحرارة المطبخ
زلافة سكر
زلافة زيت
م ص سمن
فاني
نصف م ص قرفة
3خمارات
200ج لوز مطحون بقشره
4 م ك جنجلان محمر
الطحين حسب الخليط
الطريقة
نخدمو الزبدة مع السكروالسمن جيدا حتى ترجع مرهم مع اضافة الزيت شيئا فشيئا +الفاني +الللوز+الجنجلان +الطحين خاصها تكون مرملة
واراك للدليك تدلك مزيان حتى تتجمع وترتاح على الاقل 3سوايع ومن الاحسن تبات ليلة كاملة نعملوها في بلاستيكة او في الكوكوط
ومن بعد نضيفو الخمارات وندلكو مزيان حتى تطلق ليدام ديالها وترجع تشكل بسهولة هاد هو سر هشاشتها ونجاحها الدليك ثم الدليك وخا دوزيها في المكينة ضروري دلكيها
ونشكلوها ونعملوها طيب في فرن مسخن من قبل من الاحسن من بعد متكوني خبزت فيه الخبز وعمليها من التحت ونقصي النار حتى تتشقق وتعمل الفوق مع المراقبة ومن الاحسن رسليها لفرن الزنقة
إرسال تعليق